നിന്നിലെ ഞാൻ

മഞ്ഞ് പൊഴിയുന്ന ഈ രാത്രിയിൽ

ഞാനെന്റെ ജനൽ പാളികളിലൂടെ

പൂർണചന്ദ്രനെയും

കണ്ണ് ചിമ്മികളിക്കുന്ന നക്ഷത്രങ്ങളെയും

ഇളം കുളിർകാറ്റിൽ

ആടിയുലയുന്ന ഇലകൾക്കിടയിലൂടെ ഇമവെട്ടാതെ നോക്കിനിൽക്കുമ്പോൾ

ഇന്നത്തെ രാത്രിപോലെ

എന്റെ മനസ്സിനും

നിലാവാണ്, അതിന് എന്നത്തേക്കാൾ  കുളിർമയാണ്

സന്തോഷത്തിന്റെയോ

സമാധാനത്തിന്റെയോ

അതോ?

എന്റെ ഹൃദയത്തിന് പറയാനറിയാത്ത.

ഹൃദയത്തിന്റെ ഏതോ ഒരു കോണിൽ ഒളിഞ്ഞിരിക്കുന്ന

മറ്റേതോ പറയാനറിയാത്ത

വികാരമോ

അറിയില്ല

എങ്കിലും ഇന്ന് ഞാൻ ആ വികാരത്തെ അത്രമേൽ ഇഷ്ടപെടുന്നു.

-പില്ലൂസ്‌