ഭംഗി

ഭംഗിയില്ലാത്തവൾ
പെണ്ണായി പിറക്കരുതെന്നു
പെണ്ണുകാണാൻ
 വന്നവരിൽ പലരും
അവളെ ഓർമിപ്പിച്ചു.

പുകയേറ്റു കരിപുരണ്ട അടുക്കളയിൽ.
കണ്ണുനീര് 
നെഞ്ചിലെ തീചുളയിൽ
വറ്റിയ കണ്ണുകളുമായി
 പെറ്റമ്മ .

അടുത്ത വിലപ്പറച്ചിലുകാരന്
പലഹാരമുണ്ടാക്കാൻ
ഏതു കടയിൽ കടം പറയുമെന്നോർത്ത് കലങ്ങിയ കണ്ണുകളുമായി  നെഞ്ചുരുകുന്ന അച്ഛൻ.

ഒടുവിൽ,
ഭംഗിയും, പൊന്നും, പണവും വേണ്ടത്തിടത്തേക്ക്
അവൾ മണവാട്ടിയായി പോയ്.

അവളെ യാത്രയാക്കി തിരികെ നടക്കുമ്പോൾ ആരോ സ്വകാര്യമായി  മന്ത്രിച്ചു
അവൾ ശാന്തമായി ഉറങ്ങുന്നതിനു മുകളിലെങ്കിലും
ഒരു ഭംഗിയുള്ള മൈലാഞ്ചി നടണം.

 -പില്ലൂസ്‌