🦠നോറോവൈറസ്🦠

ഗ്യാസ്ട്രബിളിന് കാരണമാകുന്ന വൈറസുകളുടെ കൂട്ടമാണ് നോറോവൈറസ്.  ആമാശയത്തിലെയും കുടലിലെയും ആവരണത്തിന്റെ വീക്കം, കഠിനമായ ഛർദ്ദി, വയറിളക്കം എന്നിവയ്ക്ക് വൈറസ് കാരണമാകുന്നു.  ആരോഗ്യമുള്ള ആളുകളിൽ നോറോവൈറസ് സാധാരണയായി സൗമ്യമാണെങ്കിലും, ചെറിയ കുട്ടികൾ, പ്രായമായവർ, മറ്റ് അടിസ്ഥാന രോഗങ്ങളുള്ള ആളുകൾ എന്നിവരെ ബാധിക്കുകയാണെങ്കിൽ അത് ഗുരുതരമായിരിക്കും.  എങ്ങനെയാണ് രോഗം പകരുന്നത്?  മലിനമായ വെള്ളത്തിലൂടെയും ഭക്ഷണത്തിലൂടെയുമാണ് നോറോവൈറസ് പകരുന്നത്.  രോഗബാധിതരുമായുള്ള നേരിട്ടുള്ള സമ്പർക്കത്തിലൂടെയും രോഗം പകരാം.  രോഗബാധിതനായ വ്യക്തിയുടെ മലം, ഛർദ്ദി എന്നിവയിലൂടെയാണ് വൈറസ് പടരുന്നത്.  രോഗം വളരെ സാംക്രമികമാണ്, അതിനാൽ വളരെ ശ്രദ്ധിക്കണം.  രോഗലക്ഷണങ്ങൾ വയറിളക്കം, വയറുവേദന, ഛർദ്ദി, ഓക്കാനം, പനി, തലവേദന, ശരീരവേദന എന്നിവയാണ് നോറോവൈറസിന്റെ ലക്ഷണങ്ങൾ.  ഛർദ്ദിയും വയറിളക്കവും രൂക്ഷമാകുകയും നിർജ്ജലീകരണം സംഭവിക്കുകയും ചെയ്യും.  അതാണ് ഈ വൈറസിനെ ഭയക്കാൻ കാരണം.  നിങ്ങൾക്ക് അസുഖം വന്നാൽ എന്തുചെയ്യണം വൈറസ് രോഗികൾ വീട്ടിൽ തന്നെ തുടരുകയും ഡോക്ടറുടെ ഉപദേശം അനുസരിച്ച് വിശ്രമിക്കുകയും വേണം.  ഒആർഎസ് ലായനിയും തിളപ്പിച്ചാറിയ വെള്ളവും നന്നായി കുടിക്കണം.  ആവശ്യമെങ്കിൽ ചികിത്സ നൽകണം.  അസുഖം കഴിഞ്ഞ് രണ്ട് ദിവസം വരെ വൈറസ് പടരുമെന്നതിനാൽ, നിങ്ങൾ രണ്ട് ദിവസത്തിന് ശേഷം മാത്രമേ പുറത്തിറങ്ങാവൂ.  ശ്രദ്ധിക്കേണ്ട കാര്യങ്ങൾ · പരിസര ശുചിത്വവും വ്യക്തിശുചിത്വവും വളരെ പ്രധാനമാണ്.  · ഭക്ഷണം കഴിക്കുന്നതിന് മുമ്പും ടോയ്‌ലറ്റിൽ പോയതിനു ശേഷവും സോപ്പ് ഉപയോഗിച്ച് കൈകൾ നന്നായി കഴുകുക.  · മൃഗങ്ങളുമായി ഇടപഴകുന്നവർ പ്രത്യേകം ശ്രദ്ധിക്കണം.  · കുടിവെള്ള സ്രോതസ്സുകൾ, കിണറുകൾ, ജലസംഭരണികൾ മുതലായവ ബ്ലീച്ചിംഗ് പൗഡർ ഉപയോഗിച്ച് ക്ലോറിനേറ്റ് ചെയ്യുക.  · ഗാർഹിക ആവശ്യങ്ങൾക്ക് ക്ലോറിനേറ്റ് ചെയ്ത വെള്ളം ഉപയോഗിക്കുക.  · കുടിക്കാൻ തിളപ്പിച്ചാറിയ വെള്ളം മാത്രം ഉപയോഗിക്കുക.  · പഴങ്ങളും പച്ചക്കറികളും നന്നായി കഴുകിയ ശേഷം മാത്രം ഉപയോഗിക്കുക.  · പഴകിയതും തുറന്നുകിടക്കുന്നതുമായ ഭക്ഷണ സാധനങ്ങൾ ഉപയോഗിക്കുന്നത് ഒഴിവാക്കുക.  രോഗലക്ഷണങ്ങളുള്ളവർ ഭക്ഷണം പാകം ചെയ്യുന്നതും പങ്കിടുന്നതും ഒഴിവാക്കണം.  · കടൽ മത്സ്യങ്ങളും ഞണ്ട്, കക്കയിറച്ചി തുടങ്ങിയ കക്കയിറച്ചിയും നന്നായി വേവിച്ചതിന് ശേഷം മാത്രം കഴിക്കുക.

Noroviruses are a group of viruses that cause gastroenteritis.  The virus causes inflammation of the lining of the stomach and intestines and severe vomiting and diarrhea.  Although norovirus is usually mild in healthy people, it can be serious if it infects young children, the elderly, and people with other underlying medical conditions.  How is the disease transmitted?  Norovirus is transmitted through contaminated water and food.  The disease can also spread through direct contact with infected individuals.  The virus is spread through the feces and vomit of an infected person.  The disease is highly contagious so be very careful.  Symptoms Symptoms of norovirus include diarrhea, abdominal pain, vomiting, nausea, fever, headache, and body aches.  Vomiting and diarrhea can become severe and cause dehydration.  That is the reason to fear this virus.  What to do if you get sick Virus patients should stay at home and rest as per the doctor's advice.  ORS solution and boiled water should be drunk thoroughly.  Treatment should be provided if necessary.  Since the virus can spread up to two days after the illness, you should go out only after two days.  Points to note · Environmental cleanliness and personal hygiene are very important.  · Wash your hands thoroughly with soap before eating and after going to the toilet.  · Those who interact with animals should be especially careful.  · Chlorinate drinking water sources, wells, water storage tanks etc. with bleaching powder.  · Use chlorinated water for domestic purposes.  · Use only boiled water for drinking.  · Use fruits and vegetables only after washing them thoroughly.  · Avoid using stale and exposed food items.  Those with symptoms should avoid cooking and sharing food.  · Eat sea fish and shellfish like crab and clams only after they are thoroughly cooked.

നൊസ്റ്റാൾജിയ

എന്നുമെന്നുമുള്ള നമ്മുടെ സംഭാഷണങ്ങളിൽ ഒളിഞ്ഞും തെളിഞ്ഞും വരുന്ന ഒന്നാണ് നൊസ്റ്റാൾജിയ ....പൊതുവായി പറയുമ്പോ  അത് മിക്കവർക്കും അവരവുടെ നാടും ചുറ്റുപാടുകളുമായി ബന്ധപ്പെട്ടതായിരിക്കും . ഉദ്ദാഹരണത്തിനു ആ നാട്ടിലെ ഒരു ഹോട്ടൽ , ഒരു ബസ് , ഒരു വ്യക്തി, സ്ഥാപനം അങ്ങനെ അങ്ങനെ. സത്യത്തിൽ എന്താണ് ഒരാളെ നൊസ്റ്റാൾജിക് ആക്കുന്ന ഘടകങ്ങൾ ? is nostalgia happy or sad ? 

കാലം പുരോഗമിക്കുന്നു എന്ന് പറയുമ്പോ നമ്മുടെ ചുറ്റുപാടുകൾ മെച്ചപ്പെടുന്നു എന്നൊരർത്ഥം കൂടി ഇല്ലേ ? അങ്ങനെ മെച്ചപ്പെടുന്നുടെങ്കിൽ സ്വാഭാവികമായി ജീവിത സാഹചര്യങ്ങളും മെച്ചപ്പെടുന്നുണ്ടാകണം ....ജോലി , വരുമാനം , latest gadgets , luxury , good health , friends & family അങ്ങനെ അങ്ങനെ എല്ലാം pleasant ആയ സാഹചര്യങ്ങൾ ഉള്ളപ്പോഴും എന്താണ് നമ്മളെ നൊസ്റ്റാൾജിക് ആക്കുന്നത് ? കഴിഞ്ഞ കാലങ്ങളിൽ സംഭവിച്ച നല്ല ഓർമകൾക്ക് ഒരു  പുതുജീവൻ കൊടുക്കാൻ ഇനിയുള്ള ജീവിതം കൊണ്ട് ആകില്ല എന്നൊരു തിരിച്ചറിവല്ലേ ഒരർത്ഥത്തിൽ ഒരാളെ ഗൃഹാതുരനാക്കുന്നത് ?പണത്തിനും ടെക്നൊളജിക്കും പുനർസൃഷ്ടിക്കാൻ കഴിയാത്ത കുറച്ചു ഓർമകൾ ! ഒരു കൗതുകത്തേക്കാൾ ഉപരി ഒരു രസത്തിന് , എന്റെ ജീവിതത്തിലെ ചില നൊസ്റ്റാൾജിക് മൊമെന്റ്‌സ്‌ ഞാൻ ഇവിടെ പങ്ക് വെക്കുകയാണ്. ഞാൻ വായിച്ചും കണ്ടും അറിഞ്ഞ  കാഴ്ചകൾ അല്ല , ഞാൻ ജീവിച്ചു തൊട്ടറിഞ്ഞ അനുഭവങ്ങൾ  . എൺപതുകളുടെ തുടക്കത്തിൽ ഈ ഭൂമിയിൽ അവതരിച്ച ഇവിടെയുള്ള എന്റെ സുഹൃത്തുക്കളിൽ ചിലരുടെ എങ്കിലും ഓർമകളിൽ .....കാലം മായ്ച്ചു കളഞ്ഞു എന്ന് നിങ്ങൾ കരുതിയ ഒരു പിടി ഓർമകൾ എങ്കിലും തിരിച്ചു കൊണ്ടുവരാൻ ഈ പോസ്റ്റ് കൊണ്ട് കഴിഞ്ഞു എങ്കിൽ ....ഞാൻ കൃതാർത്ഥനാണ് . കാരണം ഇത്തരം ഓർമകളാണ് ജീവിതത്തിന്റെ soul എന്ന് ഇന്നും വിശ്വസിച്ചു ജീവിക്കാൻ ആഗ്രഹിക്കുന്ന ഒരാളാണ് ഞാൻ. രസകരങ്ങളായ കൂടുതൽ നൊസ്റ്റാൾജിക് മൊമെന്റ്‌സ്‌ നിങ്ങൾക്ക് ഷെയർ ചെയ്യാൻ ഉണ്ടെങ്കിൽ  , താഴെ കമന്റ് ബോക്സിൽ ഇടുക . RoRo യുടെ സ്വന്തം ഭാഷയിൽ പറഞ്ഞാൽ വെറുതെ ഒരു self reflection .....ഉത്തരങ്ങൾ പരസ്യമാക്കണം എന്നില്ല .വേണമെങ്കിൽ രസകരമായ ഒരു ചർച്ചാ വിഷയം ആക്കുകയും ചെയ്യാം .

- ഉസ്കൂളിൽ പഠിക്കുമ്പോ ഒന്നാം ക്‌ളാസ് മുതൽ പാന്റ് ഇട്ട് വന്ന ഒന്ന് രണ്ട് മുതല കുഞ്ഞുങ്ങൾ ഉണ്ടായിരുന്നെങ്കിലും  എന്റെ ഓർമയിൽ നാലാം ക്‌ളാസ് വരെ നിക്കർ/ട്രൗസർ  ആയിരുന്നു കാലഘട്ടത്തിന്റെ പൊതു വേഷം ( ഇന്നിപ്പോ കാലം പുരോഗമിച്ചപ്പോ നിക്കർ briefs / underpants  ആകുകയും ട്രൗസർ മുഴുനീളൻ പാന്റ് ആകുകയും ചെയ്തു . പണ്ട് ട്രൗസർ മുട്ടിന് മുകളിൽ നിൽക്കുന്ന ഇന്നത്തെ പാന്റിന്റെ പൂർവികൻ ആയിരുന്നു ). ചോദ്യം സ്‌കൂൾ ബാഗിന് പകരം പുസ്തകങ്ങൾ കൊണ്ടുപോയിരുന്ന ഒരു അലുമിനിയം പെട്ടി ഓർമയിൽ ഉണ്ടോ എന്നാണ് ?

- അരിസ്ക്കായ  എന്ന് ത്യശൂർ പരിസരങ്ങളിലും ഗോലി /ഗോട്ടി എന്ന് മറ്റ് ഭാഗങ്ങളിലും marbles എന്ന് ഇംഗ്ളീഷിലും പറയുന്ന സാധനം കളിച്ചിട്ടുണ്ടോ ? അത് പോലെ തന്നെ ഏറു പന്ത് , കുട്ടിയും  കോലും , പമ്പരം കൊത്ത് ,പാളയിൽ ഇരുത്തിയുള്ള വലി , ടയർ / വട്ട് ഉരുട്ടൽ , തെങ്ങിൻ പട്ട വെട്ടി ഉണ്ടാക്കിയ MRF  ബാറ്റ് etc etc  ?

- USSR , czechoslovakia തുടങ്ങിയ വമ്പന്മാർക്കിടയിൽ , ടിപ്പിക്കൽ ചതുരത്തിന് പകരം ത്രികോണ ഷേപ്പിൽ നെഞ്ചും വിരിച്ചിരുന്ന ഭൂട്ടാൻ ഉൾപ്പെടെയുള്ള രാജ്യങ്ങയുടെ സ്റ്റാമ്പ് ശേഖരം ഉണ്ടായിരുന്ന ഒരു ആൽബം ഓർമയിൽ ഉണ്ടോ ?

- തോട്ടിലെ വെള്ളത്തിൽ (drainage അല്ലാ ....പണ്ട് നാട്ടിൻപുറങ്ങളിൽ ചെറു തോടുകൾ ഉണ്ടായിരുന്നു ) ചൂണ്ട ഇട്ടും അല്ലാതെയും പരൽ മീനുകളെ പിടിച്ചു കളിച്ചിട്ടുണ്ടോ ? അത് പോലെ ചക്ക ഇടാനോ  മാങ്ങ പറിക്കാനോ  തേങ്ങ ഇടാനോ മരത്തിൽ കയറിയിട്ടുണ്ടോ ?

- കോളേജിൽ (ksu /sfi / abvp ) സമരങ്ങൾ കണ്ടിട്ടുണ്ടാകാം ....അണികളിൽ ഒരാളായി മുദ്രാവാക്യം വിളിച്ചിട്ടുണ്ടാകാം ..... പ്രിൻസിപ്പലിന് മെമോ എഴുതി കൊടുത്തു , ആദ്യ മുദ്രാവാക്യം വിളിച്ചു സമരം നടത്തിയ അനുഭവം ഉണ്ടോ ?

- boys ഒൺലി girls ഒൺലി സ്‌കൂളുകളിൽ നിന്നും മിക്സഡ് കോളേജിലേക്ക് എത്തിയപ്പോഴുണ്ടായ ആദ്യ പ്രണയം ? പ്രണയ ലേഖനങ്ങൾ ... ഒളിച്ചും പാത്തുമുള്ള കണ്ട് മുട്ടലുകൾ .....കറക്കുന്ന ഡയൽ കുത്തിയുള്ള ഫോൺ വിളികൾ ? ഒരു വിളിക്ക് കാതോർത്തുള്ള കാത്തിരിപ്പുകൾ .... ആദ്യ ചുംബനം. ആരും മറക്കില്ല എന്ന് ഉറപ്പുള്ളത് കൊണ്ട് ഓർക്കുന്നുണ്ടോ എന്ന് ചോദിക്കുന്നില്ല .

- വീട്ടിൽ എല്ലാവരും ഉറങ്ങി എന്ന് ഉറപ്പ് വരുത്തിയതിനു ശേഷം , സൂര്യ ടിവിയിലും ഏഷ്യാനെറ്റിലും ഉണ്ടായിരുന്ന പാതിരാ തുണ്ട് പടം കാണാൻ പൂച്ചയേക്കാൾ പതുങ്ങി നടന്ന് ടിവി ഓൺ ചെയ്തിരുന്ന ഒരു ടീനേജ് കാലം ഉണ്ടായിരുന്നവർ ഇവിടെ ഇല്ലേ .... ഉണ്ടെന്ന് എനിക്കറിയാം  .

- സൂര്യയും ഏഷ്യാനെറ്റും "ഒന്നും അല്ല "എന്ന് തിരിച്ചറിഞ്ഞ , കാലത്തിന് മുന്നേ സഞ്ചരിച്ചവർ ഉണ്ടായിരുന്നു. വീട്ടിൽ കറന്റ് പോകുകയോ / ടേപ്പ് കുടുങ്ങുകയോ ചെയ്‌താൽ എന്ന് 6th സെൻസിൽ തിരിച്ചറിഞ്ഞ , ഇന്നത്തെ ഫോർമുല 1 റേസിലെ pit stopil ടയർ മാറുന്നതിനേക്കാൾ വേഗത്തിൽ vcr /vcp യുടെ കവർ screw അഴിച്ചു ടേപ്പ് പുറത്തെടുക്കാൻ വൈദഗ്ത്യം നേടിയ the so called professionals ...ഇവിടെ ഇല്ലേ ?

- ടേപ്പ് റിക്കോർഡറിൽ കുടുങ്ങിയ ടേപ്പ് പേന കൊണ്ടും പെൻസിൽ  കൊണ്ടും ഊരി എടുത്ത പാട്ടോർമ്മകൾ ഇല്ലേ ?

- ആദ്യമായി ഒരു പെഗ് ഒഴിച്ച് തന്ന സുഹൃത്ത് ...ആദ്യമായി ഒരു സിഗരറ്റ് കത്തിച്ചു തന്ന ചങ്ക് ...ഓർമ്മയുണ്ടോ ആ മൊഖം  ?

- വഞ്ചി തുഴഞ്ഞിട്ടുണ്ടോ ? അല്പം കൂടുതൽ റൊമാന്റിക് ആയി ചോദിച്ചാൽ ...പ്രണയിനിയെ കൂടെ ഇരുത്തി വഞ്ചി തുഴഞ്ഞിട്ടുണ്ടോ ...തുഴയാൻ ആഗ്രഹിച്ചിട്ടുണ്ടോ ?

- പോലീസ് സ്റ്റേഷനിലും ...കോടതിയിലും കയറിയിട്ടുണ്ടോ ?

- narcotics is a dirty business ..... എങ്കിലും വെറും ഒരു കൗതുകത്തിന്റെ പേരിൽ ഒരിക്കൽ എങ്കിലും നീല ചടയൻ/ഇടുക്കി ഗോൾഡ്  വലിച്ചിട്ടുണ്ടോ ? വലിക്കാൻ ആഗ്രഹിച്ചിട്ടുണ്ടോ ?

- കയ്യിലിരിപ്പ് വെച്ച് നോക്കിയാൽ മിക്കതിനെയും രണ്ടെണ്ണം പൊട്ടിക്കേണ്ടതാണ് , എങ്കിലും പള്ളീലച്ചനെ തെറി വിളിച്ചിട്ടുണ്ടോ ?

- ആറാടിയ കോളേജ് ഹോസ്റ്റൽ ജീവിതത്തിൽ അടിച്ചു തീർത്ത കാലി കുപ്പികൾ വിറ്റ് ഫുൾ കുപ്പി വാങ്ങിച്ച അനുഭവം ഉണ്ടോ ?

- കൂട്ടുകാരോടൊപ്പം നടത്തിയ ബൈക്ക് യാത്രകൾ ...അല്ലാത്ത യാത്രകൾ ....cooking ...കോളേജ് ഡേ ..... സംഘട്ടനം ...ഓർമകളിൽ തെളിയുന്നുണ്ടോ ?

- ക്‌ളാസ് കട്ട് ചെയ്തുള്ള സിനിമാ കാണൽ ...ബൈക്കിൽ കാമുകി /കാമുകൻ നോടൊത്തുള്ള കറക്കം ?

അങ്ങനെ അങ്ങനെ അങ്ങനെ ...ചോരത്തിളപ്പിന്റെ , പ്രണയത്തിന്റെ , പ്രണയനഷ്ട്ടങ്ങളുടെ ,സൗഹൃദങ്ങളുടെ , പകയുടെ , സംഘർഷങ്ങളുടെ വൈകാരികമായ എത്ര എത്ര ഓർമ്മകൾ . നിന്ന നിൽപ്പിൽ ചുറ്റുപാടും മഞ്ഞു മൂടുന്ന ഒരു പകൽ പോലെ ഓർമകളെ മൂടി പുതയുന്ന നൊസ്റ്റാൾജിയ !

-മനു മാത്യുസ്‌

 

★ഞാൻ അസ്വസ്ഥനാണ് ...! ★

ഈ നിമിഷം വരെ ഐശ്വര്യപൂർണവും ദൃശ്യാത്മകവും സന്തോഷപൂരിതമായിരുന്നു ജീവിതം . അങ്ങനെ ഇരിക്കുമ്പോഴാണ് പണ്ടാരോ ഒരുത്തിക്ക് ചന്ദ്രികാ സോപ്പ് recommend ചെയ്തത് പോലെ ഒരു സുഹൃത്ത് ഇന്നലെ ഇവിടെ 'സുനിലേട്ടൻ ഇരിക്കുന്ന' ഒരു റൂം recommend ചെയ്തത് . "CHലെ വയസ്സായ സ്ത്രീകളുടെ കൊഞ്ചലും ...അവരുടെ പ്രെശ്നങ്ങളും". ന്യൂട്ടൻന്റെ തലയിൽ ആപ്പിൾ വീണപ്പോ പോയ കിളികൾ തിരിച്ചു വന്നെങ്കിൽ , ഈ ചർച്ച കേട്ടതിനെ ശേഷം എന്റെ കിളികൾ പറന്നു പോയി . ഞാൻ അസ്വസ്ഥനാണ് .

CH ൽ സ്ത്രീകൾ പുരുഷന്മാരെ വലവീശി പിടിക്കുന്നു അത്രേ ...യെപ്പോ ,എവിടെ എന്ന് സുരാജ് വെഞ്ഞാറമൂടിന്റെ ശബ്ദത്തിൽ അറിയാതെ ചോദിച്ചു പോയി . അങ്ങനെ പലതും കേട്ടപ്പോഴാണ് CH ലെ കഴിഞ്ഞ 8 - 9 മാസം എത്ര വലിയ പരാജയമായിരുന്നു എന്ന തിരിച്ചറിവ് ഉണ്ടാകുന്നത് . എത്ര എത്ര DP മാറ്റി നോക്കി .... തമാശക്ക് പോലും ഒരു compliment ... ങേ  ഹേ . കഴിഞ്ഞ 8-9 മാസത്തിനിടയിൽ പ്രമുഖരും അല്ലാത്തവരുമായ ഒരാൾക്ക്  പോലും എനിക്ക് വേണ്ടി ഒരു പാട്ട് dedicate ചെയ്യാൻ തോന്നിയിട്ടില്ല ( ഈ നിലവിളി ശബ്ദം കേട്ട് വേദനിച്ചു എനിക്ക് വേണ്ടി പാടിയ അരുൺ ഡോക്ടറെ CH uninstall ചെയ്താലും മറക്കില്ല ). ജീരകമിഠായിയിൽ വെറുതെ ജീവിതം കളഞ്ഞു . ഇവിടുത്തെ വമ്പൻ സ്രാവുകൾ കടലിലെ ഓളങ്ങളിൽ മുങ്ങാംകുഴി ഇട്ട് നീന്തുന്നത് കണ്ട് തീരത്തു പകച്ചു നിന്നപ്പോ ...  ചുറ്റുമുള്ളത് പലതും കാണാൻ മറന്നു.

വല വീശുന്ന കുലസ്ത്രീകൾ എവിടെ ? ഒരു നോക്ക് കാണാൻ  കണ്ട കുളത്തിൽ ഒക്കെ ഇറങ്ങി നോക്കി ... വലയിൽ പെടുന്നില്ല . നദിയിൽ നോക്കി .... വല തന്നെ കാണാൻ ഇല്ല . വല നെയ്യുന്നവരുടെ കൂടെ നിന്ന് , വല വീശുന്നതിനോടൊപ്പം ചാടി വലയിൽ കുടുങ്ങുകയല്ലാതെ വേറെ വഴി കാണുന്നില്ല . ഞാൻ അസ്വസ്ഥനാണ് .

അസ്വസ്ഥനായ ഒരു മനുഷ്യൻ ... അയാളുടെ ഉള്ളിലെ അസ്വസ്ഥതകളെ കുറിച്ച് ഒരു സുഹൃത്തിനോട് പങ്ക് വെക്കുമ്പോ .... ആ സുഹൃത്ത് ആ മനുഷ്യൻന്റെ അസ്വസ്ഥതകളെ കുറിച്ച് ഓർത്തു വീണ്ടും വീണ്ടും പൊട്ടി ചിരിക്കുന്ന ഒരവസ്ഥാ നിങ്ങൾക്ക് അനുഭവം ഉണ്ടോന്ന് അറിയില്ല ....പക്ഷേ എനിക്ക് അങ്ങനെയും അനുഭവം ഉണ്ടായി .ഒരിക്കൽ അല്ലാ , പല വട്ടം .  വ്യക്‌തിപരമായ അപമാനങ്ങൾക്ക് പുറമേ , ജീരകമിഠായിയിൽ ആളെ കൂട്ടി  പബ്ലിക്  ആയി വീണ്ടും വീണ്ടും ... അതേ  അപമാനം . വയ്യാ മടുത്തൂ . ഒടുവിൽ കത്തി കൊണ്ടുള്ള കുത്തിൽ  .... ചോര വാർന്ന് താഴെ വീണു കിടക്കുന്ന മനുഷ്യനെ നോക്കി  " I am the sorry aliyaa” ന്ന് !

ദിവസത്തിൽ പല തവണ DP മാറ്റുമ്പോ ,ചത്ത് കിടന്ന സ്റ്റിക്കറുകൾ പോലും "അടിപൊളി DP" എന്ന് പറയുന്നത് കേട്ട് ശീലിച്ചവർക്ക് ......ഓരോ പാട്ട് കഴിയുമ്പോഴും "SUPER" എന്ന് പറഞ്ഞു മാത്രം കേട്ട് തഴമ്പിഴ കാതുകൾക്ക് ....ഒരു പക്ഷേ കഴിഞ്ഞ 9 മാസത്തിനിടയിൽ മാറ്റിയ ഒരു DP ക്ക് പോലും ഒരു ലൈക്ക് കിട്ടാത്ത , സ്റ്റിക്കറുകൾക്ക് പോലും ഡെഡിക്കേഷൻ കിട്ടുന്ന ഈ റൂമിൽ ....പ്രമുഖരും അല്ലാത്തവരുമായ നൂറ് കണക്കിന് ആളുകൾ പാടിയതിൽ ഒരാൾക്ക് പോലും ഒരു തമാശക്ക് വേണ്ടി എങ്കിലും ഒരു ഒരു പാട്ട് ഡെഡിക്കേറ്റ് ചെയ്യപ്പെട്ടിട്ടില്ലാത്ത , ഒരു വലക്ക് പോലും വേണ്ടാത്ത... ഒരാളുടെ അവസ്ഥ മനസ്സിലാക്കാൻ ഉള്ള sense ഉം, sensibility യും , sensitivity യും എത്ര മാത്രം ഉണ്ടാകും എന്നറിയില്ല . സുഹൃത്തായിട്ടല്ലെങ്കിൽ .... ഒരു സഹജീവിയായി കണ്ട് പോലും സഹാനുഭൂതിയില്ലാതെ പൊട്ടിച്ചിരിക്കുന്നവരുടെ ഈ ലോകത്തിൽ ഇനിയും പൊരുതി നിൽക്കുക പ്രയാസമാണ് .

മനോരമയിലെ CH വാർത്തകൾ  കണ്ട് വള്ളോം  വലേം എടുത്ത് വന്ന എനിക്ക് വല വീശാൻ പറ്റിയില്ല എന്നത് പോട്ടെ , ഒരു വലയിൽ പെടാൻ പോലും പറ്റിയില്ല എന്നോർക്കുമ്പോ 😪. അതും ഞാൻ ക്ഷെമിക്കും .... പക്ഷെ വന്ന കാര്യം പോലും മറന്ന് , വലയും ഉപേക്ഷിച്ചു 8-9 മാസം ബെറുതെ ജീരകമിഠായി തിന്ന് ഇരുന്നൂല്ലോ എന്നാലോചിക്കുമ്പോ ... ജീരകമിഠായിയുടെ മുകളിലേ ബാനറിൽ ഒരു കത്തെഴുതി വച്ച് CH ൽ ഒരു club room തുറന്ന് തൂങ്ങിയാലോ എന്ന് വരെ ഞാൻ ആലോചിച്ചു . CH ജീവിതത്തിനു ഇനി പ്രസക്തി ഇല്ല . ഇത് വിജയിച്ചവരുടെ ലോകമാണ് , പരാജിതർക്ക് ഇവിടെ അവസരമില്ല . i also failed with me ...എന്നെ കൊണ്ട് ഞാൻ തോറ്റു . ഞാൻ വളരേ വളരേ അസ്വസ്ഥനാണ് !

- മനു മാത്യുസ്

Happy Birthday Jamshi

 

ഹാപ്പീ ന്യൂ ഇയർ